• Praelectiones Latinae, semestri aestivo a. a. MMXII/MMXIII. / Kolegij na stranom jeziku, ljetni semestar ak. g. 2012/2013.
• Praelectiones fiunt die Iovis a hora 14:45 usque ad horam 16:15.
• Locus est praelectionum in camera A208, in Facultate philosophica Universitatis Zagrabiensis.

Notae et bibliographia

De scriptoribus Romanis liberae rei publicae. Praelectio semestralis studii ad Baccalaureatum et studii ad Licentiam in anno academico MMXI/MMXII.

Neven Jovanović
Institutum philologiae classicae
in Facultate philosophica Universitatis Zagrabiensis

1  Praelectionis titulus

De scriptoribus Romanis liberae rei publicae.

2  Magistri nomen

Professor Neven Jovanović magister erit praelectionum et solus eas habebit.

3  Docendi et discendi forma

Docetur et discitur in praelectionibus.

4  Praescripta examinis forma

Fructuosi profectus studiosorum seminario inscriptorum diligenter examinabuntur cum in plurimis colloquiis, tum in locis auctorum memoriter reddendis, tum in studiosi cuiusque declamatione vel praelectione habita, quae compositio primo scripta erit, ut errata in margine notare possint. Profectus omnis studiosi sub fine semestri notatur. Quo fine semestri examen subeundum est unum scriptum et unum orale.

5  Pensum punctorum in systemate ECTS

Praelectionis pensum sunt II puncta secundum systema quod ECTS dicitur.

6  Horarum quota et distributio

Praelectionum horae habebuntur XXX in semestri, id est binae pro hebdomada.

7  Semestre praelectionis

Praelectiones semestri aestivo habebuntur.

8  Pro quo gradu studii offerentur

Offerentur praelectiones pro utroque studii gradu, sicut ad Baccalaureatum, ita et ad Licentiam.

9  Praelectionum descriptio et divisio

Res agitur de antiquissimis linguae Latinae monumentis et rei litterariae Romanae. Enumerantur Romani poetae, oratores, historici, philosophi aetatis, ut dicitur, aureae (a primis originibus ad mortem Caesaris et Ciceronis); eorum vitae, genera litteraria, opera recensentur his prope capitulis: Schola I (7. 3). prooemium. De Livio Andronico. Schola II (14. 3). De scriptoribus vetustissimis epicis Naevio et Ennio. Schola III (21. 3). De Plauto comico. Schola IV (28. 3). De Catone Maiore oratore, historico, rei rusticae scriptore. Schola V (4. 4). De Terentio comico. Schola VI (11. 4). De Rhetorica quae ad Herennium appellatur. Schola VII (18. 4). De Cicerone oratore rhetore philosopho. Schola VIII (25. 4). De Ciceronis epistulis. Schola IX (2. 5). De Lucretio poeta epico. Schola X (9. 5). De Catullo poeta. Schola XI (16. 5). De Caesaris commentariis. Schola XII (23. 5). De Sallustio historico. Schola XIII (30. 5). De Cornelio Nepote vitarum auctore. Schola XIV (6. 6). De M. Terentio Varrone. Schola XV (13. 5). Disputatio.

10  Praelectionis finis ac meta, sive cognitio generalis et particularis

Finis praelectionum et exercitationum est praeparare veluti solum eloquentiae et peritiae in lingua Latina; quod tripliciter accidit: cognitione linguae, aliqua eruditione, et exercitatione. Finis autem particularis est brevis recensio notitiarum ad litteras Latinas primae et aureae aetatis spectantium.

Libri legendi et auxilia

Legi possunt et legendi sunt:

• Tituli bibliographiae in rete positae
• Scaligero, Giulio Cesare: Ivlii Caesaris Scaligeri ... Poetices libri septem ... Editio qvinta. [Heidelberg]: in Bibliopolio Commeliano (1617).
• Weytingh, Heinrich: Historia Graecorum et Romanorum litteraria Henrici Weytingh. Mechliniae: Hanicq (1831).

Legendi sunt etiam loci praecipui auctorum de quibus agitur; qui loci in libris iam laudatis inserti sunt.

Magistri vitae curriculum

Neven Jovanović in Facultate philosophica Universitatis Zagrabiensis ab anno 1994 Latinam philologiam docet, explicans primo syntaxim Latinam, deinde etiam historiam litterariam, stilisticam, artem vertendi. Postquam in eadem facultate thesim ad lauream philosophiae adipiscendam a. 2005 rite defenderat - qua in thesi investigabantur et exponebantur problemata stilisticae neolatinae in Evangelistario Marci Maruli - factus est ibidem docens. Ab anno 2007 ducit investigationem de auctoribus Croaticis neolatinis computatro legendis, cuius investigationis fructus in lucem eduntur in bibliotheca digitali Croatiae auctores Latini (CroALa). Ab anno autem 2008 Jovanović unus est editorum commentarii annui Colloquia quae dicuntur Maruliana (Split: Književni krug, Marulianum).

1. In qua regione Italiae natus erat Naevius?
2. Quo magistro Naevius litteras edidicit?
3. Quid sunt praetextae?
4. A quo anno Naevius fabulas scaenae dederat?
5. Quae sunt genera fabularum quas scripsit Naevius?
6. Quam nobilem familiam ludibrio habuit Naevius?
7. Ubi scripsit Naevius fabulas Hariolum et Leontem (secundum Aulum Gellium)?
8. Quibus verbis supplendus est versus Naevii: “obliti sunt Romae…”?
9. Quod est nomen carminis epici Naevii?
10. Quo versu id carmen epicum compositum est?
11. Qui poetae sumpserunt multa de Naevio?

Terminus examinationis erit die Iovis, 13. Iunii, a. 2013.

Textus legendus est de Rosae de Cicerone, id est e libro Eugenii de Rosa De litteris Latinis commentarii libri V, ad criticam artis rationem exacti. Ex officina Gustavi Ricevuto Equitis, Drepani, 1927, pp. 219–260 (PDF)