Građa i upute za korekture.
“Libri Maioris consilii civitatis Spalati 1352-1354, 1357-1359”, prir. Jakov Stipišić, Miljen Šamšalović, Mirjana Matijević-Sokol, Zbornik Odsjeka za povijesne znanosti Zavoda za povijesne i društvene znanosti Hrvatske akademije znanosti i umjetnosti / Zbornik Zavoda za povijesne znanosti Istraživačkog centra JAZU / Zbornik Historijskog instituta JA, 12 (Ožujak 1983), s. 63–266 (Hrčak).
Tekst ovoga izdanja računalno je prepoznat (OCR), ali nesavršeno. Treba ga usporediti sa slikama izvornika (u PDF datoteci) i ispraviti, prema uzoru na prve tri stranice.
Primjer ispravljenog teksta:
ZAPISNICI VELIKOG VIJEĆA GRADA SPLITA LIBRI MAIORIS CONSILII CIVITATIS SPALATI Fasciculus primus 1.
(1) … VIII. 13521 …. II augusti. In Christi nomine. Amen. In pleno et generali conscilio civitatis Spaleti ad sonum campane vocemque preconis, ut moris est, solemniter congregato, in quo quidem conscilio idem dominus comes de consensu et voluntate iudicum et consciliariorum, qui debent prepositis interesse, preponit et preponi facit omnia infrascripta videlicet.
Imprimis, cum magister Paganus de Lucha, notarius salariatus comunis Spaleti, sit in capite termini sui officii, ydeo requirit super eius confirmatione providere et confirmari.
Item de eligendo unum suprastantem sancti Duymi, cum Madius Miche Dobri fuerit in fine sui termini.
Supra qua quidem prima preposita ser Nicola Theodosii in ipso conscilio surgens arengando consuluit, quod ipse magister Paganus sit pro suo anno confirmatus cum salario consueto. Unde facto et posito partito inter consciliarios predictos, qui fuerunt numero XXXVII ita, quod cuycumque placeret, quod dictus magister Paganus sit confirmatus pro uno anno, ut per dictum ser Nicolaum exstitit arengatum, ponat eius ballotam in busulo rubeo del sic, et cuy non placet, ponat eius balotam in busolo albo del non; quibus balotis datis, recolectis et numeratis invente fuerunt in busolo rubeo del sic balote XXXVI contrariente vero una per balotas inventa in busolo albo del non; et sic prout per dictum ser Nicolaum exstitit consultum, ita factum fuit et reformatum.
(1v) Super secunda preposita ser Madius Miche Madii surgens in ipso consilio arengando consuluit, quod ser Gregorius Petri Petrache sit confirmatus super …. ad laborerium ecclesie sancti Cipriani modo et ordine consueto. Unde facto et posito partito inter dictos consciliarios qui fuerunt numero XXXVII ita, quod cuycumque placeret, quod dictus ser Gregorius sit confirmatus ad dictum officium, ponat eius balotam in busulo rubeo del sic, cui non placeret, ponat in busulo albo del non. Quibus balotis datis recolectis et numeratis invente fuerunt in busolo rubeo del sic balote XXXII contrarientibus vero quinque et sic, prout per dictum ser Madium exstitit consultum, factum et reformatum fuit.
2. 27. VIII. 1352. Die XXVII augusti. Dacium insule Buue deliberatum fuit Balcio Petri Papalis pro quinque annis incipiendo dicta die proxime fucturos (!) debet solvere annuatim et ad racionem anni libras CL.
1 Da se radi o 1352. godini vidi se iz dokumenta broj 3. Naime 1352. je 16. rujna bila nedjelja. To potvrđuje datirani dodcument br. 12.
3.
(2) 16. IX. 1352. Die dominico XVI septembris.
In pleno et generali consilio civitatis Spalati ad sonum campane et voce preconis, ut moris est, in pallacio comunis ad ifrascripta specialiter congregato, in quo quidem conscilio egregius et potens vir dominus Marchus Bembo, comes Spaleti, cum voluntate et consensu iudicum consiliariorumque, qui debent prepositis interesse, preponit et preponi facit omnia infrascripta videlicet:
Inprimis preponit et preponere facit ipse dominus comes, quid videtur presenti conscilio providendo in eligendo unum specialem, cum ad presens nullus sit in civitate Spaleti salariatus pro comuni.
Item preponit prefactus dominus comes, quid videtur dicto conscilio providere, quod, cum magister Cressus protomagister marangonus salariatus comunis sit in fine sui termini, ideo requirit presens conscilium, quid eys videtur de eligendo unum alium vel de confirmando ipsum magistrum Cressum.
Super quibus prepositis ser Gregorius Petri Petrache in ipso conscilio surgens arengando consculuit, quod sibi placet et vult, quod dictus comes et sua curia habeant plenum, merum et liberum et generalem (!) arbitrium de videndo, si ipsi possunt se concordare cum Biachino speciario, prout melius eys videbitur et prout melius poterint, et si non poterunt se consordare, quod habeant plenum arbitrium mitendi ad alias partes, ubi melius eys placebaverit (!), ad inveniendum unum bonum specialem et suficientem ac eciam de concordando se cum prefacto magistro Cresso protomagistro, prout melius poterunt et prout eys melius videbunt (!), esse utile pro comune et quidquid actum, factum sive gestum fuerit, sit firmum et ratum et stabilem (!), ut si per dictum maius conscilium foret factum et reformatum.
In qua quidem preposita facto et posito partito inter dictos consciliares qui fuerunt numero XXXVI ita, quod cuycumque placeret dictum ser Gregorii suprascripti, secundum quod per eum exstitit arengatum, ponat eius balotam in busolo rubeo del sic, et cuy (2v) cumque non placeret, ponat eius balotam in busulo albo del non. Quibus balotis datis, recolectis et numeratis inventum fuit in busulo rubeo del sic balote XXIIIIor contrarientibus vero XII ita, quod, sicut per dictum ser Gregorium exstitit arengatum, ita factum fuit ac etiam reformatum.
4. … X. 1352. Ea die infrascripta.
Convenientibus in unum domino comite cum iudicibus et sapientibus credentie captum fuit inter eos, quod accipiatur magister Cressus protomagister marangonus ad salarium comunis civitatis Spaleti pro marangone et acceptum fuit per dictos dominos comitem iudices et sapientes prefactum magistrum Cressum protomagistrum pro marangone comunis Spaleti pro uno anno cum hoc pacto, quod bene et legaliter debeat exercere suum officium et suam artem marangonarie et debeat habere annuatim et ad racionem anni pro uno anno suprascripto a comune ducatos duodecim item libras quinque pro domo pro sua habitatione. Item quod omni die, quando laborat comuni, habere a comune grossos quatuor quolibet die laborante comuni. Et predicta fecerunt prefacti domini comites (!) et iudices et sapientes ex albitrio eys
conceso per maius consilium et patet in reformatione capta in ipso maiori conscilio sub die dominico XVI octubris et scripta manu mey Libanonius (!) notarii.
5.
(3) … X. 1352. (Na zasebnoj ceduljici) ser Laurentiiis Nichole ser Nichola Lucari ser Franciscus Damiani de arbitrio consilii credentie ipsi tres vel alii ipsorum cum domino comite habuerunt arbitrium expendendi usque ad CL libras ad inveniendum latrones et rubatores.
6• (4) 10. X. 1352. Die mercurey X octubris.
In pleno et generali consilio civitatis Spaleti ad sonum campane et voce preconis, ut moris est, in pallacio comunis ad infracripta specialiter congregato, in quo quidem consilio egregius et potens vir dominus Marchus Bembo, comes Spaleti, cum voluntate et consensu iudicum consciliariorumque, qui debent prepositis interesse, preponit et preponi facit omnia infrascripta videlicet. Inprimis, cum magister Moretus, barberius de Venetiis salariatus comunis et civitatis Spaleti sit in termino sui officii, ideo requirit super eius confirmatione providere et reformare. Item preponit prefactus dominus comes, quod, cum necessitas sit magna bladi et salis in hac civitate Spaleti, et quia miserabiles persone indigent de blado magis quam nobiles et quod bonum est facere unum sindicum nomine et vice comunis cum uno sindicatu ad plenum ei dare usque ad ducatos IIIIC ad hoc, ut debeat ire versus Romaniam Basam ad videndum si potest emere pro comune nostro Spaleti et nomine et vice totius universitatis Spalati ad hoc ut in civitate sit copia et habundantia bladi et quod miserabiles persone possint habere de blado, et ideo requirit presentem conscilium quod ei libeat super hoc providere et reformare.
Super qua quidem prima preposita ser Xamçe Leonis surgens in ipso conscilio arengando consculuit, quod dictus magister Moretus barberius de Venetiis salariatus comunis fiat et ese debeat confirmatus aduc pro uno alio anno sequente ad illud pactum et salarium, quod habuit hoc anno preterito.
Super quam quidem propositam facto et posito partito inter consciliarios predictos, qui fuerunt numero XXXVI ita, quod, cuicunque placeret quod dictus Moretus esset confirmatus, prout per dictum ser Samze exstitit arengatum, ponat eius balotam in busolo rubeo del sich, et cuicunque non placeret, poneret eius balotam in busulo albo del non. Quibus balotis datis, recolectis et numeratis invente fuerunt in busulo rubeo del sich XXXVI et sic, prout dictus ser Sance Leonis consuluit et arengavit, sic fuit factum et reformatum nemine disscrepante.
(4v) Super secunda preposita ser Xance Leonis in ipso conscilio surgens arengando consuluit sibi …… videtur totius comunis et universitatis Spaleti, quod eligatur Yeremias Johannis Vulcine in sindicum et sindicatus nomine dicti comunis et totius universitatis sibi dari debeat totam quantitatem pecunie pro comune, prout per dominum comitem extitit arengatum, quod vadat nomine quo supra ad illas partes per dominum comitem superius
pb nominatas ad videndum si potest emere bladum pro comuni, et si bladum non potest habere neque emere, ducat salem pro dicto comune cum una comissaria que (!) ei dabit dominus comes, quod dominus comes habeat plenum liberum et generale arbitrium de comittendo dicto Yeremie totum quid placet et quam viam debet tenere in emendo dictum bladum et quod dictus Yeremias sindicus non valeat transire ultra illud, quod sibi fuerit impositum per prefactum dominum comitem et sibi comissum, et quod ipse dominus comes super predictis solus habeat plenum arbitrium ad hoc, ut copia bladi sit in civitate. Super qua quidem preposita facto et posito partito inter ipsos consciliares, qui fuerunt numero XXX, ita quod, cuicunque placeret dictum dicti ser Sanzi Leonis secundum quod per eum extitit arengatum, ponat eius balotam in busolo rubeo del sich, et cuycumque non placeret, ponat eius balotam in busolo albo dei non. Quibus balotis datis, recolectis et numeratis invente fuerunt in busolo rubeo XXX nemine discrepante ita, quod, sicut per dictum ser Samçem extitit arengatum, ita factum fuit ac eciam reformatum.
Item preponit prefactus dominus comes, quid videtur dicto concilio providere de inveniendo tres officiales, qui debeant stare ad molum maris propter custodiam bladi et cerchare barchas recedentes de portu quod non portent bladum nec farinam nec legumina nec panem sine bulera et sine licentia domini comitis et ad portam pistorii ad custodiendum quod aliquis non vadat extra portum cum blado aliquo, legumine vel farina ac pane sine bulera vel sine licentia dicti domini comitis et quod unus eorum tres continue teneantur (!) et debeat stare ad dictum portum ad custodiendum et dictam custodiam faciendum sub pena unius grossi pro qualibet vice et pro quolibet isporum, quando non erunt inventi. Qui officiales debeant habere salarium pro eorum labore, prout et qualiter alii officiales habuerunt.
(5) Super qua quidem preposita ser Stipole Miche Dobri in ipso conscilio surgens arengando consculuit, quod bonum et utile videtur sibi pro civitate, quod eligant et fiant dictos tres officiales super custodiam dicti bladi, prout per dictum dominum comitem extitit arengatum et prepositum, quod sibi videtur pro meliori comunis, quod fiant isti tres officiales et nobiles infrascriptos (!), qui debent esse soluti et habere per salarium pro eorum labore, sicut habuerunt alii officiales, qui alias fuerunt ad dictum officium ……. quorum officia sunt hec: quod continue unus eorum stet et teneatur et debeat stare ad portam pistorii pro …. ut per dictum dominum comitem fuit arengatum et prepositum, et quod omni vice, quando non erunt inventi ad dictam custodiam porte, cadant de uno grosso pro quolibet et qualibet vice. Unde posito partito inter ipsos consciliares, qui fuerunt numero XXX in dicto conscilio ita, quod cuicunque placeret dictum dicti ser Stipole, poneret eius balotam in busolo rubeo del sich et cuicunque non, poneret in busolo albo del non. Quibus balotis datis, recolectis et numeratis invente fuerunt in busolo rubeo del sich XXX nula discrepante ita, quod, sicut per dictum ser Stipulem fuit consultum et arengatum, ita captum et reformatum fuit. Nomina officialium: Doymus Micoy Madii iuravit XII octubris et incipit. Matheus Crestoli Papalis Tomaxius Dobroli iuraverunt XI octubris et inceperunt eorum officium.